Шпанија Екипата на Бенфика го потврди трансферот на Анхел Ди Мариа во Реал Мадрид но откри дека аргентинскиот интернационалец би можел да го чини Кралскиот клуб 36 милиони евра.

Во понеделникот Реал Мадрид на својата официјална веб страна потврди дека го ангажирале Анхел Ди Мариа откако постигнале договор со Бенфика за висината на оштетата а играчот се сложил да стави потпис на шестгодишен договор.

Весниците кои се блиску до раководството на Реал Мадрид објавија дека Кралскиот клуб ќе одвои 25 милиони евра за своето прво засилување ова лето.

Но екипата на Бенфика сега открива дека аргентинскиот интернационалец би можел да чини Реал дури 36 милиони евра.

Шампионот на Португалија вчера го потврди трансферот на Ангел Ди Мариа во Реал Мадрид и до берзата испрати детален извештај за целата зделка.

Во извештајот се вели дека Реал за услугите на Ди Мариа ќе плати фиксна сума од 25 милиони евра и дури додатни 11 милиони евра, кои ќе бидат варијабилни и ќе зависат од настапите на играчот.

Бенфика вели дека во зависност од ’употребата на фудбалерот’ може да добие додатни пет милиони евра а од ’спортските перформанси’ додатни шест милиони евра.

22 годишниот Ди Мариа помина три сезони во Бенфика и зад своето име забележа 125 настапи и 15 погодоци.

Powered by: 24 FUDBAL.com.mk