Англија Сер Алекс Фергусон инсистира дека тој не може да побара ништо повеќе од сопствениците на Манчестер Јунајтед

Стратегот на Црвените Ѓаволи исто така уште еднаш повтори дека неговото здравје ќе го диктира времето за негово пензионирање.

Фергусон, кој е на кормилото на Олд Трафорд од 1986, вели дека нема планови да се пензионира во блиска иднина па се додека здравјето го служи тој ќе биде менаџер на Манчестер Јунајтед.

“Ова е прекрасен клуб за да се биде инволвиран во него.” – рече Ферги за Riviera Radio.

“Мотивацијата е лесна бидејќи имав одлични фудбалери 25 години и уживам одлична поддршка. Секоу утро одам на тренинг и ги гледам овие играчи како се залагаат. Тие го прават тоа со голема посветеност и концентрација. Радосен сум што го гледам тоа.”

“Годините се секогаш нешто на кое треба да внимавате бидејќи тие носат одредени ограничувања. Здравјето дефинитивно е нешто такво. Здравјето одлучува колку долго ќе продолжам со овој клуб.”

“Да чукнам во дрво, се е во ред со мене.”

Шкотот притоа проговори и за сопствениците на клубот, Семејството Глејзер, кое придонесе Манчестер Јунајтед да се најде во големи долгови.

Фановите не се задоволни од тоа и започнаа протести преку кои бараат промена на сопственичката структура.

“Нема ништо погрешно во протестите.” – продолжи Фергусон. “Фановите само покажуваат дека не се среќни поради тоа кој е сопственик на клубот.”

“Тоа секогаш било така долги години наназад, уште од времето кога јас дојдов, најпрво беше семејството Едвардс, а сега е Глејзер.”

“Секогаш има дел од навивачите кои чуствуваат дека го поседуваат клубот; тоа е разбирливо бидејќи имаат фантастична лојалност кон клубот.”

“Но јас можам да кажам дека семејството Глејзер го поддржуваат тимот многу, многу добро. Тие не се мешаат, не оставаат да си ја вршиме работата и кога ние ќе побараме одреден играч, го добиваме.”

“Што можеме повеќе да побараме?”

Powered by: 24 FUDBAL.com.mk