Англија | Медиумите од „Островото“ пишуваат дека Жозе Мурињо ја разледува опцијата да исправи една грешка на неговиот претходник и на Олд Трафорд летоска да го врати Џони Еванс...



„Црвените ѓаволи“ ја имаат втората најдобра одбрана во Премиерлигата, но спред денешното издание на Сан, Жозе Мурињо се уште не е задоволен со опциите кои ги има на располагање.

Португалецот разгледува неколку идеи и една од нив е враќање на Џони Еванс на Олд Трафорд. Фудбалерот не беше дел од плановите на Луј ван Гал, кој го продаде на ВБА во 2015 за 6 милиони фунти.

Репрезентативецот на Северна Ирска бележи одлични партии на Хоуторнс, па минатото лето тропнаа екипи како Манчестер Сити и Арсенал. Сепак, ВБА не сакаше да слушне за продажба на својот капитен и постави висока цена од 25 милиони фунти.

Но ВБА сега е на чекор до испаѓање, и преселба во Чемпионшип ќе активира клаузула со која Џони Еванс ќе може да замине за само 3 милиони фунти, и токму ова го прави играчот дополнително атрактивен.

Извор: 24FUDBAL.com.mk