СП 2010 Селекторот на Холандија не е комплетно задоволен од изданието на неговата селекција на натпреварот против Камерун.

Холандија синоќа го победи Камерун со 2-1 и со три победи се пласираше во 1/8 финалето каде што ќе игра против Словачка.

Селекторот Ван Марвик, не е импресиониран од изданието на неговите фудбалери против Камерун.

"Не сум 100% задоволен. Задоволен сум од победата но не и од играта" - изјави Ван Марвик по натпреварот.

"Во минатите два натпревари ја повеќе ја контролиравме играта. Сега дури откако резултатот беше 1-1 почнавме да играме".

Робин ван Перси конечно ја затресе противничката мрежа, тој беше и играчот на натпреварот во овој дуел.

"Секогаш е добро кога ќе постигнете гол. Во претходните два натпревари не играв на моето ниво" - изјави Робин ван Перси.

"Вечерва го направив тоа. Играв добро и задоволен сум поради тоа".

Powered by: 24 FUDBAL.com.mk