СП 2010 Џанлуиџи Буфон смета дека Италија апсолутно заслужила да биде елиминирана од Мундијалот.

Италија синоќа доживеа голем срам откако уште во групната фаза беше елиминирана од Светското првенство.

Азурите кои како последен Светски шампион допатуваа во Јужна Африка, во групата со Парагвај, Словачка и Нов Зеланд не успеаа да остварат ниту една победа и го освоија последното место.

Ова е и првото Светско првенство кое Италија го завршува без ниту една победа.

Буфон вели дека штом не успеале да ги победат Нов Зеланд и Словачка, не заслужиле да одат понатаму.

"Апсолутно исправно е тоа што си одиме дома. Нов Зеланд и Словачка се екипи кои заслужуваат почит, но ништо повеќе од тоа. Ако не бевме во состојба да ги победиме тие репрезентации, тогаш навистина заслуживме елиминација и враќање дома" - изјави Буфон.

Powered by: 24 FUDBAL.com.mk