СП 2010 Ѕвездата на Англија, Вејн Руни е убеден дека ќе биде фит за дуелот во недела против стариот непријател Германија

Руни беше заменет во 72та минута од вчерашниот дуел со Словенија откако заработи повреда на зглобот.

Селекторот на Англија, Фабио Капело по натпреварот изјави дека повредата на напаѓачот не е сериозна но како знак на претпазливост се очекува ѕвездата на Манчестер Јунајтед да го преседи денешниот тренинг.

Се очекува денеска врз Руни да бидат извршени детални тестови со цел да се утврди сериозноста на повредата но самиот играч вели дека ќе биде подготвен за дуелот со Германија, кој е на програмата во недела.

“Мојот зглоб ќе биде ОК.” – Руни е цитиран од The Sun.

Руни во март заработи повреда на лигаментите на зглобот кои му создаваа проблеми во финишот на сезоната па поради тоа постоеа стравување дека тој би можел да го пропушти дуелот со Германците.

Powered by: 24 FUDBAL.com.mk