СП 2010 Капитенот на Германија, Филип Лам вели дека со голема самодоверба ќе влезат во дуелот против Англија за кој смета дека е класика.

Големо е ривалството помеѓу Германија и Англија, случувањата во Јужна Африка наложија токму овие две репрезентации да се сретнат во 1/8 финалето.

Последниот дуел на Германија и Англија е во 1990 година, кога Западна Германија ја победи Англија на пенали во 1/2 финалето. Претходно се сретнаа во 1982 во групната фаза, во 1970 во четврт финале и во 1966 во финале на Вембли.

Лам очекува фудбалска класика, тие со полна самодоверба ќе влезат во тој дуел, но капитенот е свесен дека треба да се подобри играта од последните два натпревари против Србија и Гана.

"Натпреварот против Англија секако е класика. Очекувањата се огромни" - вели Лам.

"Ние влегуваме со самодоверба. Но знаеме дека треба да одиграме подобро".

Powered by: 24 FUDBAL.com.mk