Шпанија Хуан Мата вели дека е свесен за шпекулациите кои го поврзуваат со преселба во Барселона но додава дека тој ништо не знае за преселбата на Камп Ноу

Медиумите од Шпанија вчера објавија дека Барселона и Валенсија имаат договор за трансфер на Хуан Мата вреден 20 милиони евра.

Се верува дека Пеп Гвардиола е во потрага на засилување за левата крилна позиција со оглед на тоа дека стратегот повеќе не смета на услугите на Тиери Анри, кој најверојатно ќе замине од Камп Ноу ова лето.

Но Хуан Мата, кој е со Шпанската селекција во Јужна Африка, вели дека не знае ништо за неговата преселба во редовите на Барселона.

“Јас сум играч на Валенсија.” – рече Мата за La Sexta. “Знам дека има многу шпекулации но не знам ништо за мојата преселба во Барса.”

“Јас сум смирен со селкцијата на Шпанија, уживам во Светското Првенство и мислам само на дуелот со Чиле.”

Мата исто така вели дека шпекулациите за неговата иднина ги ’доживува нормално’.

“Мислам дека тоа што сум во Јужна Африка е премногу важно за да размислувам за други работи, па моите мисли се насочени само кон дуелот со Чиле. ”

Powered by: 24 FUDBAL.com.mk