Лига на Шампиони | Медиумите од Шпанија пренесуваат дека фудбалерите на Јувентус се обиделе да делат правда во тунелот кон соблекувалната, полицијата и Серхио Рамос ги смирувале работите...

Мечот помеѓу Реал Мадрид и Јувентус имал трето полувреме во подтрибинскиот простор на Сантијаго Бернабеу. По последниот свиреж на судијата и контроверзниот пенал со кој „Кралевите“ се пласираа во полуфинале, гостинските фудбалери сакале да делат правда во тунелот кон соблекувалната.

Џиџи Буфон, Џорџо Киелини и Масимо Алегри биле бесни, му се пуштиле на Мајкл Оливер и барале објаснување за одлуката да покаже на белата точка.

Беле размените и навреди со дел од играчите и персоналот на Реал Мадрид, кои го славеле пласманот помеѓу четирите најдобри во Лигата на шампионите.

До поголем инцидент не дошол бидејќи на време реагирала полицијата но и Серхио Рамос, кои ги смирувале страстите. На крајот се се завршило со прегретка помеѓу Рамос и Буфон, и играчите на двата тима се упатиле во своите соблекувални.

Извор: 24FUDBAL.com.mk