Англија | Англиските медиуми пишуваат дека Роман Абрамович ќе направи големи промени во Челси во летниот преоден рок, покрај Антонио Конте ќе заминат и речиси половина од фудбалерите...



Челси со Конте ја освои Премиерлигата, тоа беше во сезона кога тимот не настапуваше во Европа. Иако на многумина им беше јасно дека не може да се игра и во англиската лига и во Лигата на шампионите со тој тим, Абрамович беше уверен дека е конкрентен.

Но, реалноста не е таква, Челси нема широка клупа, има лоша сезона во која нема да избори место во Лигата на шампионите, па сопственикот ќе прави вистински ремонт.

Антонио Конте си заминува, тоа е сигурно, а на негово место постојат шанси да пристигне Масимо Алегри кој се чини дека последна сезона е тренер на Јуве.

Се најавува и заминување на девет фудбалери меѓу кои и големи ѕвези како Еден Азар и Тибо Куртоа. Покрај нив на списокот за одење се и Сеск Фабрегас, Педро, Гери Кејхил, Давид Луиз и Оливие Жиру.

А нема да се вратат ниту Мичу Батшуаи и Курт Зума кои се на позајмици.

Извор: 24FUDBAL.com.mk