Вечерва се игра уште една мега пресметка во четвртфиналето од Лигата на шампионите, по онаа синоќа помеѓу Јувентус и Реал Мадрид каде гостите славеа со 0-3, вечерва Ливерпул на домашен терен го пречекува Манчестер Сити.
Претходната пресметка помеѓу овие две екипи, во Премиерлигата заврши со победа од 4-3 за Редсите во еден неверојатен меч, па сите се во исчекување на уште една трилер средба.
Според информациите, Пеп Гвардиола нема да ризиква со Кун Агуеро, Аргентинецот ќе биде штеден и во дербито со Манчестер јунајтед претстојниов викенд, за да биде подготвен за реванш пресметката со Ливерпул.
Агуеро се уште се рехабилитира од повредата со која се здоби претходно, а Гвардиола истакна дека му претходи уште мал период рехабилитација, отвори можност да биде подготвен за дуелот со јунајтед.
„Тој е многу подобар од претходно, но лекарските екипи зборуваа со него и рекоа дека се уште не е перфектно подготвен, се надевам дека ќе биде подготвен за мечот во сабота“ истакна Гвардиола.
Извор: 24FUDBAL.com.mk
