СП 2010 Англија и САД го продолжуваат престојот во Јужна Африка, Словенија беше елиминирана во последните моменти откако Донован им донесе победа на Американците над Алжир во 91та минута.

Англија ја победи Словенија минимално со 1-0 и го фати последниот воз за 1/8 финалето на Светското првенство.

Тоа беше и првата победа на Гордиот Албион на Светското првенство, по двата нерешени дуели кои ги имаа во првите две кола.

На Англија и беше потребна победа над Словенија, за пласман во 1/8 финалето, тоа и успеаа да го остварат.

Џермејн Дефо во 23та минута по асистенција на Џејмс Милнер го постигна победничкиот гол.

Англичаните имаа уште неколку одлични можности за гол не упсеаа пред време да ја обезбедат победата.

Словенија повремено се закануваше, но не можеше да постигне гол.

Доколку натпреварот помеѓу САД и Алжер завршеше без победник, покрај Англија патник во 1/8 финалето ќе беше и Словенија.

Таквиот резултат траеше се до 91та минута, кога Ландон Донован и донесе победа на селекцијата на САД.

Со оваа победа Американците завршија како први во групата пред селекцијата на Англија.

САД беше значително подобар противник од Алжир, пропушти неколку идеални шанси, сепак на крајот излегоа како победници.

Словенија одигра солидно на мундијалот, може да биде задоволна од својот настап, иако со малку среќа можеше да се најде и во 1/8 финалето.

Powered by: 24 FUDBAL.com.mk