СП 2010 Фабио Капело смета дека Англија може да го освои Светското првенство во Јужна Африка.

Англија денеска мора да ја победи Словенија за да се пласира во 1/8 финалето на Светското првенство.

Англичаните разочараа во првите два натпревари откако одиграа само нерешено против САД и Алжир.

Критиките за игрите на Англичаните се огромни, но Капело смета дека тие можат да го освојат првенството.

"Можеби мислите дека сум луд, но јас навистина мислам дека можеме да станеме Светски шампион" - изјави Капело.

"Мораме да ја добиеме Словенија, и после тоа никој против нас нема да биде фаворит".

"Знам како можеме да играме, и како игравме во квалификациите. Потребна ни е една, само една вистинска партија и се враќаме во живот" - смета англискиот селектор.

Powered by: 24 FUDBAL.com.mk