СП 2010 Лионел Меси се навлекол на музиката на Оезис која му ја препорачал неговиот соиграч од репрезентацијата на Аргентина, Карлос Тевез.

Добро познато е дека браќата Галагер се големи фанови на Манчестер Сити, клубот каде што настапува Карлос Тевез.

Тевез за брзо време станал фан на Оезис, а љубовта кон овој бенд кој веќе не постои му ја пренел и на Лионел Меси.

"Додека летавме накај Јужна Африка, Карлос ми ги даде нивните први два албума и тогаш прв пат ги слушнав" - открива Меси.

"Воопшто не очекував дека ќе ми се допадне нивната музика, но тоа веројатно е најдоброто нешто кое некогаш сум го слушнал. Апсолутно фантастично".

"Веднаш му реков на Карлитос да ме однесе на концерт кога ќе имаат, да отидам таму и да ги слушнам на лице место. Но, за жал, неговиот одговор беше дека тие се распаднале".

"Ги отварав нивните настапи во живо на YouTube и неверојатно е колку добро звучат. Воодушевен сум и навистина ми е жал што нема да можам да ги видам во живо" - заврши Меси.

Powered by: 24 FUDBAL.com.mk