Италија | Медиумите од „Чизмата“ на големо пишуваат за договор помеѓу Пауло Дибала и Атлетико Мадрид и можен трансфер на Аргентинецот на Ванда Метрополитано вреден помеѓу 150 и 200 милиони евра...
Напаѓачот подолго време се поврзува со најдобрите клубови од стариот континент но во сликата сега влегува и Атлетико откако Пауло Дибала минатата недела беше во посета на Мадрид и седна на вечера со својот сонародник Диего Симеоне.
Медиумите од Италија вчера вечерта и утрово полудеа за трансферот на Аргентинецот на Ванда Метрополитано и на големо пишуваат за договор помеѓу напаѓачот и „Колчонероси“ како и можен трансфер вреден помеѓу 150 и 200 милиони евра. За ваквата сторија сите го цитираат Хоакин Родригез, кого го преставуваат како новинар на Радио Онда Серо и Антена 3.
Но со ова го навлекоа гневот на новинарот, кој повеќе не е дел од овие медиуми и сега работи на самостоен проект наречен „Оф д рекорд“.
„Господа, за сторијата за Дибала престанете да давате заслуги на Онда Серо (каде што работев три години и секогаш ќе го сакам ова место). Не е тешко да го цитирате медиумот кој ја соопшти веста (@offrecordnews). Ги лажете читателите. Не работам повеќе за Онда Серо! Ви благодарам” – гласеше постот на Хоакин Родригез на Твитер.
Што се однесува до оргиналната вест, твитер профилот на „Оф д рекорд“ напиша дека од прилично сигурен извор од Италија добиле информации дека Пауло Дибала постигнал согласност со Атлетико за пет годишен договор и ќе се пресели на Ванда Метрополитано како замена за Антоан Гризман. Братот на Пауло Дибала, Густаво разговарал со спортскиот директор на мадриѓани, Андреа Берта и си подал рака.
Евентуалниот трансфер на Пауло Дибала ќе вреди повеќе од 100 милиони евра, а во зделката би можел да биде вметната и дефанзивецот Стеавн Савиќ, кој е по мерак на Јувентус. Но се зависи од тоа дали Антоан Гризман ќе си замине ова лето. Французинот може да го напушти Атлетико за 100 милиони евра, и подолго време се говори дека Барселона по крајот на сезоната ќе ја активира откупната клаузула на напаѓачот.
Извор: 24FUDBAL.com.mk
