Останато | Фудбалската федерација на Грција ги соопшти казните за големиот инцидент кој се случи на дербито помеѓу ПАОК и АЕК во кое главен лик беше претседателот на домаќините, Иван Савидис...



Незадоволен од судиска одлука во финишот од мечот, претседателот на ПАОК, Иван Савидис со пиштол влезе во теренот за да бара правда. Натпреварот беше прекинат, а Владата го суспендираше првенството.

Фудбалската федерација денеска ги соопшти казните за учесниците во нередите, разбирливо, најмногу настрада претседателот на ПАОК, Иван Савидис.

Тој е суспендиран на три години, во тој период нема да може да го гледа ПАОК на стадион, а ќе треба да плати и парична казна од 100.000 евра.

На ПАОК му се одземени три бода, но ќе има и минус два за следната сезона, три натпревари на домашен терен ќе играат без публика, а ќе платат и парична казна од 63.000 евра.

Натпреварот е регистриран со службени 3-0.

Грчкото првенство кое беше суспендирано, овој викенд ќе продолжи по три неделна пауза.

Извор: 24FUDBAL.com.mk