Македонија | Според „Калчомеркато“, Џенова е сериозно заинтересирана за услугите на македонскиот репрезентативец Стефан Ристовски кој е член на Спортинг Лисабон...
Џенова е во потрага по десен бек, а според италијанските медиуми идеално решение гледаат во Стефан Ристовски.
Македонскиот фудбалер има искуство во Италија, пред да се пресели во Ријека играше во Парма, Фросиноне, Кротоне, Бари и Латина.
Џенова подолго време го следела Ристовски, но не успеала да го ангажира кога тој бил во Ријека, сега нивната мисија да го добијат Македонецот ќе биде уште потешка бидејќи тој е член на Спортинг Лисабон кој за нашиот играч плати речиси 4 милиони евра.
Иако имаше повеќе импресивни партии во дресот на Спортинг, Ристовски останува втора опција во тимот од Лисабон каде прв десен бек е Италијанецот Пичини.
Италијанскиот медиум вели дека Џенова и Спортинг Лисабон имаат добри односи, од кои неодамна во Италија пристигнал плејмејкерот Лури Медеирош. Тие ќе пробаат да договорат трансфер на Ристовски, ако сумата биде превисока, ќе испратат и понуда за позајмица.
Џенова го има македонскиот капитен Горан Пандев, а се пишува дека мета е и нашиот напаѓач Мирко Ивановски кој е член на Славен Белупо, па ништо чудно ако следната сезона во Серија А имаме тројца Македонци во еден клуб.
Извор: 24FUDBAL.com.mk
