СП 2010 Португалија со неверојатни 7-0 ја совлада селекцијата на Северна Кореја, импресивна партија на Португалците, Севернокорејците тотално разбиени.
Португалија ја прегази Северна Кореја, Португалците немаа милост, ја наполнија до врв мрежата на противникот.
Северна Кореја играше солидно во првото полувреме, и беше рамноправен противник, но комплетно потфрли во вториот дел.
Многу важна победа за Португалија, бидејќи во случај да имаат ист број бодови со Брегот на Слоновата Коска, гол разликата ќе го одлучува патникот во 1/8 финалето.
Кристијано Роналдо по долга пауза конечно се запиша во листата на стрелците за својата репрезентација на еден официјален натпревар.
Првата голема шанса на натпреварот ја имаше Рикардо Карваљо во 7та минута кога со глава ја погоди стативата од голот на Северна Кореја.
Севернокорејците се заканија по само пет минути играи кога Јонг Хиук биеше над голот на Едуардо.
Резултатот беше отворен во 29та минута кога Меиралеш по додавање на Тиаго реализираше за водство на Португалија од 1-0.
Играта во првото полувреме беше рамноправна, вистински шок за Северна Кореја следуваше во второто полувреме.
Во 53та минута одлична акција на Португалија, Симао стрела за водство од 2-0.
Само три минути подоцна резултатот беше 3-0, Хуго Алмеида постигнува гол за веќе убедлива предност на Португалците.
Во 60та минута Тиаго зголемува на 4-0 по асистенција на Кристијано Роналдо.
Роналдо се обидуваше да постигне гол, но тешко му одеше, во 70та минута упати супер шут од далечина, кој заврши во пречката од голот на Северна Кореја.
Во 80та минута петарда во мрежата на Азијците, Лидсон постигнува гол за водство од 5-0.
Седум минути подоцна Роналдо конечно постигнува гол, помалку среќно, но заслужено, водство од 6-0 за Португалија.
Судбината на Северна Кореја ја запечати Тиаго во 89та минута со својот втор погодок на натпреварот.
По овој дебакл, фудбалерите и стручниот штаб на Северна Кореја веројатно ги чекаат тешки моменти во својата земја.
Португалците ја остварија својата најубедлива победа во историјата на Светските првенства.
Португалија: Едуардо, Мигуел, Карваљо, Алвеш, Контрао, Мендеш, Меирелеш (Велосо), Роналдо, Тиаго, Симао (Дуда), Алмеида (Лидсон)
Северна Кореја: Ри М., Џи, Ри К., Ри Џ., Пак Н. (Ким Ј.), Ча (Нам), Мун (Ким К.), Ан, Пак К., Јонг, Хонг
Powered by: 24 FUDBAL.com.mk
