Македонија Познати се противниците на нашите претставници во Лига Европа, Работнички ќе игра со Луситанс од Андора, Металург за противник го има Карабаг од Азербејџан, Тетекс ќе ги одмери силите со Венспилс од Летонија.

Нашите екипи кои ќе не претставуваат во квалификациите од Лига Европа денеска ги добија своите противници.

Работнички и Металург натпреварите ги започнуваат од првото квалификационо коло.

Романтичарите за противник го добија тимот на Луситанс од Андора, Металург ќе се сретне со Карабаг од Азербејџан.

И двете наши екипи во првиот натпревар кој се игра на 1ви јули гостуваат, реваншот се игра на 8ми јули.

Доколку го помине првото коло Работнички ќе игра против Мика од Ерменија во второто коло.

Металург во второто коло би играл со победникот од натпреварот помеѓу Портадаун од Северна Ирска и Сконто од Летонија.

За разлика од Работнички и Металург, Тетекс како победник во Купот на Македонија, својот настап во квалификациите го започнува директно од второто коло.

Ждребката сакаше Тетовчани за противник да го имаат Вентспилс од Летонија. Тетекс гостува во првиот натпревар на 15ти јули, реваншот е на 22ри.

Powered by: 24 FUDBAL.com.mk