Шпанија | Според пишувањата на медиумите од Шпанија, Роберт Левандовски се договорил со Реал Мадрид или поточно неговиот нов агент по само два состанока си подал рака со „Кралевите“...
Полјакот со години со поврзува со клубот од Сантијаго Бернабеу а шпекулациите одново добија на интензитет откако Роберт Лавандовски по десет години „раскина“ со својот агент и го ангажираше Пини Захави.
Каталонскиот весник Мундо Депортиво сега вели дека Израелецот за кратко време си ја завршил работата и по два состанока со Хосе Анхел Санчез (десната рака на Флорентино Перез) постигнал договор.
Роберт Левандовски сака уште еден голем трансфер пред крајот на кариерата и авантура на Сантијаго Бернабеу, па голгетерот прифатил две годишен договор со опција за додатни 12 месеци.
Сега Пини Захави и Реал Мадрид ќе треба да го убедат Баерн Минхен да се раздели со својот најдобар играч. „Баварците“ не ги продаваат своите ѕвезди, но Карл Хајнц Румениге неодамна ја отвори вратата откако истакна дека ќе даде зелено светло за трансфер доколку некој играч повеќе не сака да биде дел од клубот.
Извор: 24FUDBAL.com.mk
