МЕНИ

СП 2010 Селекцијата на Данска му го нанесе вториот пораз на Камерун во Јужна Африка по што ’лавовите’ се надвод од Светското Првенство и полека можат да си ги пакуваат куферите

Камерун стана првата земја што го завршува мондијалскиот сон откако вечерва го претрпе вториот пораз во Јужана Африка.
Данска успеа со пресврт да слави со 2-1 во дуелот со ’лавовите’ и да стигне до три значајни бода и да си го одржи шансите за пласман во следната фаза.

Со ваквиот разво, селекцијата на Холандија, која е лидер во Групата Е, веќе има загарантирано учество во нок-аут фазата.

Првата закана на натпреварот ја упатија Данците, но Ромдел во 7та минута не успеа да го претвори додаваање на Јоргенсен во погодок.

Во 10та минута резултатот веќе беше отворен но Камерунците беа тие што дојдоа во водство.

Кристиан Поулсен направи грешка на својата половина и му ја препушти топката на Вебо, кој веднаш го проигра Ето а напаѓачот на Интер не погреши при ударот од десетина метри.

Неколку минути подоцна, Камерун можеше да го зголеми водството откако Емана упати силен удар од преку дваесет метри но неговиот обид заврши сантиметри крај голот на Соренсен.

По ваквиот епилог на настаните, Данците успеаа да се совземат и избраниците на Олсен заиграа подобар фудбал креирајќи неколку полу шанси.

Израмнувачкиот погодок стигна во 33та минута. Симон Кјаер упати долга топка за Ромедал, кој му помогна на Асуе Екото, упати центаршут по земја во срцето на петероцот по што Бендтнер со лизгачки старт успеа да ја затресе празната мрежа.

Во финишот на првиот дел, грешките на дефанзивците на двете селекции им овозможија добри прилики а најблиску до погодок беше Самуел Ето, кој ја погоди стативата.

На почетокот од вториот дел, Камерун можеше да се врати во водство но Мбиа од само неколку метри биеше над голот на Соренсен.

По еден час игра во одлична шанса се најде и Вебо но голманот на Данска со одлича интервенција успеа да го спречи напаѓачот на Камерун.

Неколку моменти подоцна, Данците казнија и во 61та минуте стигнаа до водство.

Бендтнер го проигра Ромедал на левата крилна позиција, играчот на Ајакс продре во шеснаесетникот на Камерун се ослободи од Макун и ја пласираше топката во подалечниот долен агол од голот на Хамиду.

Камерун потоа се оиде да се врати во игра и креираше неколку добри шанси но Басонг, Емана и Идрису немаа добра завршница на своите шанси и не успеаа да постигнат погодок со кој ќе си ги задржеја шансите за пласман во следната фаза.