СП 2010 Селекцијата на Гана се искачи на врвот во Групата Д и покрај тоа што играше само 1-1 против селекцијата на Австралија, која повеќе од еден час настапуваше со играч помалку

По тешкиот пораз од Германија од 4-0, Австралијанците одговорија одлично против Гана и избраниците на Пим Вербек имаа одличен старт на натпреварот.
Во 11та мината Марк Брешано изведе слободен удар од околу 25 метри, голманот на Гана, Кингстон реагираше несмасно и му дозволи на Холмен да донесе водство за Австралија.

Но во 24та минута Австралијанците се соочуваа со огромни проблеми. Џонатан Менса успеа покрај голаут линијата да се ослободи од двајца противници и да упати опасен центашут во срцето на шеснаесетникот.

На додадената топка налета Гјан, кој упати прецизен удар кој беше блокиран на гол линијата од Хари Кјуел, но поранешниот играч на Ливерпул играше со рака.

Судијата Роберто Росети го исклучи Кјуел и покажа на белата точка а Гјан беше сигурен реализатор на најстрогата казна.

Гана потоа ја превзеде иницијативата и се обиде да стигне до водство но избраниците на Рајевац се мачеа да ја искористи бројчаната предност.

Голманот на Австралија, Марк Шварцер дури во 44та минуте беше приморан да направи интервенција за да го сочува својот гол откако Кевин Принц Боатенг упати опасен удар.

На почетокот од вториот дел фудбалерите на Гана притиснаа посилно и веднаш на стартот се заканија преку удар од далечина на Асамоа.

Во 50та минута Гјан самиот си создаде шанса, биеше прецисно но Шварцер со добра интервенција не дозволи водство на Гана.

Австралијанците немаа премногу шанси за повторно да дојдат во водство и во 67та минута добра прилика му се укажа на Скот Шиперфилд, кој со глава биеше над голот на Кингстон по додавањето на Лук Вилкшир.

Гјан на спротивната страна им создаваше големи проблеми на дефанзивците на Австралија и напаѓачот по еден одличен продор по десната страна упати остар центаршут но Асамоа доцнеше секунда и не успеа да ја затресе празната мрежа.

Во 71та минуте Боатен добро го проигра Гјан, но напаѓачот биеше само покрај голот на Шварцер.

Веќе во следната минута Австралија можеѓе да казни откако Викшер се најде очи во очи со Кингстон но напаѓачот биеше само во голманот на Гана.

До крјаот на натпреварот Гана посериозно се закани само преку Менса но неговиот удар со глава заврши над голот на Шварцер.

Powered by: 24 FUDBAL.com.mk