СП 2010 Откако по мечот со Алжир Руни ги критикуваше навивачите, денеска тој се извини.

Во соопштението објавено на официјалната страна на Фудбалската Асоцијација на Англија,  фудбалерот на Манчестер Јунајтед изјави дека му е жал што ги критикувал навивачите на Англија, кои со свирежи ја испратија репрезентацијата, по нерешениот резултат со Алжир.

Напуштајќи го теренот, тој се сврте кон камерата која го следеше и им се обрати на навивачите: "Убаво е да се види сопствените фанови да те исфиркуваат. Тоа се лојални навивачи."

Но, денеска Руни преку соопштение се извини.

"Јас сум страстен за Англискиот тим како сите други. Минатата ноќ, под импресии реков работи во вжештената атмосфера, кои дојдоа како резултат на фрустрацијата од нашата игра и резултатот."

"Најважната работа во моментов е да се прегрупираме, да бидеме позитивни и да работиме кон победа на натпреварот во среда. За да го направиме ова, на играчите ќе им биде потребна поддршката од фановите повеќе од било кога."

"Од моја страна се извинувам за секоја навреда предизвикана од моите изјави на крајот на вчерашниот натпревар."

Powered by: 24 FUDBAL.com.mk