СП 2010 ФА побара да се подобри безбедноста на мондијалот во Јужна Африка откако вчера еден бесен фан влезе во соблекувалната на репрезентацијата на Англија

Фанот сакал да го искаже својот гнев откако Трите Лава покажаа слаби перформанси на дуелот со Алжир, кој заврши 0-0 вчера на Грин Поинт Стадионот во Кејп Таун.

Целиот инцидент се случил откако Принцот Вилијам и неговиот брат Хари, кој присуствуваа на натпреварот, заминале од соблекувалната.

Голем број од играчите и тренерскиот персонал, вклучувајќи го Дејвид Бекам биле во соблекувалната кога се случил инцидентот.

Директорот на Ангиската експедиција, Едријан Бивингтон за медиумите рече: “Не беше нанесена сериозна штета. Ние формално го презентиравме целиот случај пред ФИФА, сега тоа е нивна работа, и тие ќе се справуваат со тоа.”

Портпаролот на ФА, Марк Вајтл за CNN рече: “Можеме да потврдиме дека фан влезе во соблекувалната на Англија минатата вечер и го пријавивме инцидентот кај ФИФА.“

Тој исто така објасни дека фанот не се задржал пре,многу во соблекувалната и никој не бил повреден но сепак го оцени ваквиот инцидент како “неприфатлив“.

Фановт за кратко време бил исфлрен од соблекувалната од страна на официјално лице на ФИФА, кој потоа го испратил човекот надвор од стадионот по што сега полицијата е незадоволна од таквиот потег.

Портпаролот на полицијата рече дека е човек кој носел црвена мајца е баран за прекршување на редот и мирот.

Кол Џонс рече: “Некој, за кого се верува дека е фан на Англија, некако успеал да влезе во соблекувалната на Англиската репрезентација.”

“Нема извештај дека тој имал блиска средба со некој од членовите на тимот.”

“Тој бил изнесен од соблекувалната од официјално лице на ФИФА.”

“Во овој момент се консултираме со обезбедувањето и ќе ги искористиме сите ресурси за да го утврдиме идентитетот на лицето.”

“Тој сеуште не е уапсен.”

Powered by: 24 FUDBAL.com.mk