СП 2010 Голманот на Јувентус и Италија, Џиџи Буфон по крајот на Светското Првенство ќе замине на операција и се соочува со пауза од четири месеци.

Џиџи Буфон беше заменет на полувремето од натпреварот на Италија со Парагвај, во воведниот натпревар од Групата Ф, и сега ќе го пропушти дуелот со Нов Зеланд.

Првиот голман на Јувентус и Италија има проблеми со нервите на грбото и му беше дијагностицирана дискус-хернија.

Буфон ќе треба да оди на операција но голманот го одложува заминувањето ’под нож’ се до крајот на мондијалот во Јужна Африка бидејќи се надева дека во подоцнешниот дел од Светското Првенство ќе може да му помогне на својот тим.

“Размислував многу за тоа.” – рече Буфон. “Но ќе треба малку да мислам на самиот себе пред се друго.”

“Ќе имам операција во Иалија по крајот на Светското Првенство.”

Извештаите на медиумите говорат дека на Џиџи Буфон ќе му бидат потребни околу четири месеци за да се опорави од повредата.

Поради ваквиот исход на настаните Старата Дама веќе започна потрага на нов голман и се шпекулира дека Јувентус и Милан веќе имаат договор за преселба на Марко Сторати во Торино.

Powered by: 24 FUDBAL.com.mk