По две годишно пензионирање од националниот дрес, се чини дека Златан Ибрахимовиќ полека но сигурно почна да го влече носталгија за дресот на Шведска.
„Играв 20 години и сега одеднаш гледам како другите играат за репрезентацијата, тоа е тешко. Но, тешко е и кога си повреден, затоа што сакаш да играш и за клубот и за својата земја. Морам да ја прифатам ситуацијата и да се борам. Не можам да сторам ништо, туку треба да тренирам и да се борам, да продолжам кон остварувањето на зацртаните цели“ рече шведскиот напаѓач.
Популарниот Ибра од селекцијата на Шведска се повлече пред две години, минатата година доживеа тешка повреда на коленото и по подолга пауза се врати на терените, а потоа повторно се повреди.
Шведска во бараж фазата од квалификациите ја елиминираше Италија, и со тоа обезбеди место на Мундијалот во Русија, па останува отворено прашањето дали Ибрахимовиќ со оваа изјава најави враќање во националниот дрес, или тоа останува само на носталгија, и ништо повеќе.
Извор: 24FUDBAL.com.mk
