СП 2010 Словенија и САД одиграа интересен натпревар кој заврши без победник 2-2.

Словенците можат да жалат што не победија бидејќи водеа со 2-0 по првиот дел, но можат да бидат и среќни бидејќи многу лесно можеа и да загубат.

Американците лошо го почнаа натпревар, но во второто полувреме ја покажаа сета своја сила, само една судиска грешка ги спречи да постигнат и трет гол за комплетен пресврт и победа.

Натпреварот беше отворен по само 13 минути игра, кога Бирса постигна прекрасен гол од далечина за водство на Словенија од 1-0.

САД јалово се обидуваше да направи нешто повеќе, но не успеваше, словенија делуваше поопасно.

Во 42та минута неуспешна офсајд замка на Американците, Лјубијанкиќ постигнува гол за солидна предност од 2-0.

Со овој резултат заврши првиот дел, доколку Словенија го одржеше водството ќе избореше пласман во следниот круг, но тоа не се случи.

По само три минути игра во второто полувреме, Ландон Донован постигнува гол и намалува на 2-1.

По постигнатиот гол Американците ја превземаа иницијативата и доминираа на теренот, но и двете репрезентации пропуштија шанси.

Конечно во 82та минута САД ја искористи иницијативата и преку Мајл Бредли успеа да израмни на 2-2.

Само неколку минути подоцна контроверзна ситуација, Еду ја тресе противничката мрежа по судијата го поништи неговиот гол, повторените слики покажаа дека голот е регуларен.

Словенците со измешани емоции го завршуваат натпреварот, можеа да победат, но и да загубат, сепак нерешениот резултат е реален за нив.

САД можат слободно да се жалат поради лошата арбитража на судијата, кој не им дозволи да победат.

Powered by: 24 FUDBAL.com.mk