Италија Екипата на Каљари потврди дека Масимилиано Алегри ќе биде нов тренер на Милан.

На официјалниот сајт на Каљари се појави следново соопштение:

"И покрај нашето разочарување од Масимилиано Алегри поради неговото однесување кон крајот на минатата сезона, претседателот Масимо Челино го ослободи од договорот, по барање на Милан."

"И покрај понудата на Милан, Каљари не бараше никаква финансиска надокнада за тренерот. Екипата на Каљари сега ќе бара нов тренер."

Потпретседателот на Милан, Адриано Галијани, изјави дека постои договор со Алегри, но клубот сеуште не го потврди тоа преку официјално соопштение.

"Дојдовме до договор за Алегри и сакам да му се заблагодарам на Челино, бидејќи не бараше ништо за возврат", изјави Галијани за Sky Sport Italia, веднаш по соопштението на Каљари.

Договорот беше на работ на колапс, бидејќи Галијани сакаше да се повлече. Но, по телефонски разговор, Галијани и Челино постигнаа договор.

Powered by: 24 FUDBAL.com.mk