СП 2010 Репрезентацијата на Чиле со убедлива игра но минимални 1-0 го победија Хондурас во нивниот прв натпревар на Светското првенство.

Чиле славеше со 1-0 против селекцијата на Хондурас во денешниот прв натпревар од Светското првенство во Јужна Африка.

Офанзивна игра на Чиле во текот на сите 90 минути, можеби најактивниот натпревар од сите досегашни на овој мундијал, кој сепак заврши со само еден постигнат гол.

Хондурас играше дефанзивно, обидувајќи се да ги сопре силните напади на Чиле, и по примениот гол не успеа да воспостави рамнотежа и посериозно да тргне кон израмнување.

Уште по првиот свиреж на судијата, натпреварот започна активно со напади на Чиле.

Таквата игра резултираше со гол во 34та минута на Жан Босежу за водство на Чиле од 1-0.

И покрај водството, Чилеанците продолжија со нападите, шансите се редеа пред голот на голманот Валадерез, но не се тресеше неговата мрежа по втор пат.

Фантастична шанса имаше Видал со глава, биеше од идеална позиција, но Валадарес со супер интервенција одбрани.

На крајот заслужена победа на Чиле која можеше да биде и со неколку гола разлика.

Хондурас: Валдарес, Мендоза, Чавез, Фигуероа, Изагуире, Паласиос, Нуњез (Мартинез), Алварез, Гуевара (Томас), Еспиноза, Павон (Велком)

Чиле: Браво, Исла, Понс, Медел, Милар (Јара), Кармона, Видал (Контрерас), Валдивиа (Гонзалес), Санчез, Фернандез, Босежу.

Powered by: 24 FUDBAL.com.mk