СП 2010 Повредата на фудбалерот од средниот ред на Хондурас, Џулио Цезар де Леон овозможи рушење на рекорд на Светските првенства.

Имено на местото од повредениот Де Леон, во репрезентацијата влезе Џери Паласиос, што значи дека сега во селекцијата на Хондурас има тројца браќа, нешто што никогаш претходно не се случило на Светските првенства.

Најславниот од браќата е фудбалерот на Тотенхем, Вилсон Паласиос, заедно со него во селекцијата беше и Џони Паласиос, сега им се приклучи и најстариот брат, Џери.

Настапот на браќата Паласиос, доаѓа како мала утеха по големата трагедија во семејството кога пред три години го загубиле својот четврти брад, Едвин.

Тој бил киднапиран во родниот Хондурас, и покрај тоа што била платена откупнина од 150 000 долари, тој бил пронајден мртов.

"Се што правам во фудбалот, правам поради Едвин. Тој ме чува" - изјави Џери Паласиос по приклучувањето на репрезентацијата на Хондурас.

Powered by: 24 FUDBAL.com.mk