Англија Роберт Пирес вели дека би сакал да се врати во Англија.

Договорот на Роберт Пирес со Виљареал истече па тој е слободен фудбалер и е во потрага по нов клуб.

Францускиот фудбалер кој остави одличен печат во Арсенал вели дека би сакал повторно да се врати во Англија.

Вест Хем, Лестер и Бирмингем се клубовите кои се заинтересирани за Пирес.

Иако веќе има 36 години, Пирес смета дека суште може да игра на високо ниво во Премиер лигата.

"Јасно е дека неколку големи англиски клубови ме следат. Ми беше кажано дека Лестер и Бирмингем прават сериозни обиди да ме ангажираат".

"Мислам дека сеуште можам да играм во Премиер лигата, но и предизвикот да бидам во тим како Лестер кој ќе се бори за влез во елитата ми изгледа многу привлечно, особено што веројатно имам уште две сезони до крајот на кариерата" - изјави Роберт Пирес.

Powered by: 24 FUDBAL.com.mk