СП 2010 Со гол во последните моменти од натпреварот Нов Зеланд дојде до бод во натпреварот против Словачка која не успеа да ја оправда улогата на фаворит.
Словачка пропушти својот деби настап на Светските првенства да го круниса со победа.
Словаците важеа за голем фаворит во дуелот со Нов Зеланд кој се сметаше за можеби најслабата репрезентација на Светското првенство, но тоа беше само на хартија.
Иако не покажаа квалитет, Нов Зеланд се трудеше до самиот крај и заслужено дојде до бод.
Словачка која е првиот противник на Македонија во Квалификациите за ЕВРО 2012 не покажа доволно добра игра за да победи.
Витек во 50та минута погоди за предност на Словачка од 1-0, стрелецот се наоѓаше во офсајд при постигнувањето на голот, судијата не го подигна знаменцете.
Во продолжението Словаците имаа неколку шанси да го зголемат водството, не ги искористија, казната стигна во последните моменти, кога веќе немаше време за враќање.
Во 93та минута Реид со глава реализираше за конечни 1-1, огромна радост за селекцијата на Нов Зеланд.
Нов Зеланд: Пастон, Реид, Нелсен, Смит, Бертос, Вичлич (Кристи), Елиот, Лочхед, Смелтз, Фалон, Килен (Вуд)
Словачка: Муча, Забавник, Дурица, Шкртел, Чех, Јендрисек, Хамшик, Стрба, Ваис (Куцка), Шестак (Холоско), Витек (Сточ)
Powered by: 24 FUDBAL.com.mk
