СП 2010 Легендарниот голман на Јувентус и на италијанската репрезентација, Џиџи Буфон беше заменет на полувреме на натпреварот против Парагвај поради проблеми со грбот.

Поради проблемите со грбот Џанлуџи Буфон може и да го пропушти остатокот од првенството, но се уште нема конкретна дијагноза.

„Буфон уште на загревањето почувствува болки во грбот, но сеедно сакаше да брани. По првото полувреме кажа дека веќе не може, па морав да го заменам. Засега не знаеме колку време ќе биде потребно пред да се опорави, ја чекаме проценката на медицинскиот тим“, изјави селекторот Марчело Липи.

Буфон во натпреварот немаше некоја работа, освен што ја извади топката од мрежата по голот на Алкараз, навистина би било жално доколку еден голман од калибарот на Буфон да не може да брани на ова СП.

Powered by: 24 FUDBAL.com.mk