Англија | Медиумите од Италија пренесуваат дека Челси и Рома начелно ги договориле деталите за трансферот на Един Џеко и Емерсон Палмиери, но зделката ја кочи тоа што Босанецот не може да се договори со „Сините“...



Реномираниот новинар Ди Марцио пишува дека Челси и Рома си подале рака за трансфер вреден 50 милиони евра, плус уште додатни 10 милиони евра во бонуси за преселба на Един Џеко и Емерсон Палмиери на Стемфорд Бриџ.

Но за да се комплетира зделката недостасува договор помеѓу шампионот на Англија и Един Џеко.

Барањата за плата, кои до Челси биле доставени од страна на агентот на Босанецот, биле многу повисоки од сумата која „Сините“ ја понудиле.

Ди Марцио вели дека Челси нема намера да ги прифати условите на напаѓачот, па во моментов преговорите се на стенд-бај.

Во меѓувреме, босанскиот новинар Харис Мркоња вели дека агентот на Един Џеко се уште не отпатувал за Лондон бидејќи чека виза, и до овој момент преговорите се водат преку телефон.

Извор: 24FUDBAL.com.mk