СП 2010 Здравко Кузмановиќ е крајно разочаран по поразот од Гана кој дојде токму поради негова грешка, младиот фудбалер се надева дека ќе му простат колегите од репрезентацијата.

22-годишниот Кузмановиќ беше трагичарот за Србија на синоќешниот натпревар против селекцијата на Гана која победи со 1-0.

Во финишот од натпреварот, Кузмановиќ играше со рака во својот шеснаесетник, судијата оправдано покажа пенал кој Гиан го реализираше.

"Се надевам дека моите соиграчи можат да ми простат. Не зборував со моите пријатели, само размислував за тоа што го направив. Многу сум тажен" - изјави Кузмановиќ.

"Направив грешка, не сакав да го направам тоа што се случи, се обидов да ја удрам топката со глава но ме удри во раката. Тоа беше грешка, но се што можам да му кажам на мојот тим е дека жалам".

"Заслуживме најмалку бод, но поради мојата грешка не го освоивме ниту тоа".

"На Светското првенство секој бод е важен. Ние загубивме и мене ми е навистина тешко поради тоа" - заврши Кузмановиќ.

Powered by: 24 FUDBAL.com.mk