МЕНИ

Англија | Контроверзниот агент Мино Рајола станува централна фигура во трансферот на Алексис Санчез на Олд Трафорд, тоа значи само лоши вести за Арсенал и Манчестер јунајтед...

Преселбата на Алексис Санчез во редовите на Манчестер јунајтед зависи од тоа Хенрих Михитарјан да се договори со Арсенал.

Ерменецот е застапуван од контроверзниот Мино Рајола, кој очигледно станува централна фигура во целиот трансфер и дополнително ја компликува и онака сложената зделка.

На Италијанецот со денови не му се слушаше глас, а сега во период од неколку часа подели две интервјуа.

Мино Рајола во разговор со Тајмс најпрво порача: „Манчестер јунајтед ќе го купи Санчез само доколку Мики се сложи да се пресели во Арсенал. Мики се уште нема одлучено. Тој ќе ја одбере опцијата која е најдобра за него”.

„Санчез е дел од трансферот на Мики, а не обратно”.

Мино Рајола сега бара Манчестер јунајтед да го искешира играчот бидејќи тој има уште две ипол години од договорот, а доколку се пресели на Емирати, нема да ја добива истата плата. Агентот исто така бара и провизија за неговата вмешаност со зделката.

Тој со сличен став неколку часа подоцна излези и во интервјуто за Скај Спортс: „Санчез е дел од трансферот на Мики, а не обратно. Без него, Санчез нема да заврши во Јунајтед”.

„Проблемите на Мики во Манчестер јунајтед се поврзани само со минутажата. Нема никаков проблем со менаџерот, не се работи за ништо лично. Тој има уште две ипол години од договорот и нема потреба да замине”.

Запрашан какви се шансите да се договори со Арсенал, Рајола вели: „Во моментов мали, но животот е динамичен. Ова е голема зделка за Арсенал. Потребни им се подобри, млади играчи и мораат да инвестираат. Па Арсенал треба да состави добра понуда, и во овој момент зделката е далеку од комплетирање”.