МЕНИ

Шпанија | Разочаран од тоа што Флорентино Перез не го исполнил даденото ветување за нов побогат договор, Кристијано Роналдо решил да замине од Сантијаго Бернабеу, приоритет му е враќње на Олд Трафорд...

„Кралевите“ играат во очајна форма, а покрај лошите резултати од терените, проблем за клубот е и иднината на првата ѕвезда ЦР7. Во последно време често се пишува дека Кристијано Роналдо не е среќен во Мадрид и сака да замине.

Според денешното издание на АС, Португалецот се чувствува измамен од првиот човек на клубот Флорентино Перез. Тој веќе донел одлука да ја промени средината и приоритет му е враќање во Манчестер јунајтед. Олд Трафорд го гледа како идеално место за продолжување на авантурата.

АС додава дека одлуката на Кристијано Роналдо е толку јасна што тој својата намера веќе им ја открил на неколку соиграчи.

По финалето во Кардиф, во кое ЦР7 со два гола му донесе нова титула на Реал во Лигата на шампионите, Кристијано добил ветување од Флорентино Перез дека ќе му понуди нов побогат договор.

Но тоа никогаш не се случи, и покрај тоа што Роналдо во неколку наврати јавно го прозва претседателот.

„Ако е можно, би сакал да се пензионирам во Мадрид. Но тоа не зависи од мене, јас не сум газда во клубот“ – рече Португалецот по триумфот на Светското клупско првенство.

Слична порака испрати и кога ја доби „Златната Топка“: „Сакам да продолжам во дресот на Реал доколку тоа е можно“.

Не само што овие пораки не предизвикаа никаков одговор од страна на Флорентино Перез, Реал се обидува да донесе млада ѕвезда која во иднина треба да го наследи Кристијано Роналдо. Минатото лето тоа беше Килијан Мбапе, а сега се погласно се најавува трансфер на Нејмар.