Англија Германскиот интернационалец, Михел Балак вели дека одлуката за негово заминување од Челзи ја донел сопственикот, Роман Абрамович.

По четири годишен престој во Челзи, Михел Балак како слободен фудбалер си заминува од Стемфорд Бриџ по истекот на неговиот договор.

Балак не најде заеднички јазик со раководството на Челзи за продолжување на соработката и заедно со Џо Кол и Белети заминува од клубот.

"Жалам што не успеавме да се договориме, но тоа треба да го оставам зад мене" - изјави Балак за Times.

"Уште пред некое време знаев дека преговорите се стопирани и дека е време да заминам. Треба да најдам нов клуб и да продолжам со мојата кариера".

"Челзи секогаш бил мој прв избор бидејќи имав четири одлични години во клубот и уживав во секоја минута. Овој клуб сеуште е мој прв избор, дури и сега, но не зависеше од мене. Одлуката ја донесе Роман".

Балак вели дека сеуште сака да игра фудбал на високо ниво, сака да остане во Европа, нема намера за преселба во САД или Дубаи.

"Да ја завршам кариерата вака, не е моја опција. Сакам да играм најмалку уште две години на високо ниво, па можам да играм за Германија на ЕВРО 2012".

"Сум играл на три Европски и две Светски првенства и знам колку се посебни тие натпреварувања и не може да завршам вака".

"По повредата уште поубеден сум да продолжам со кариерата, и мотивацијата расте се повеќе, секој ден".

"Не сум подготвен да се "пензионирам" со заминување во САД или Дубаи, сакам да останам во Европа".

"Јас сум горд Германец кој секогаш ужива да живее тука, па имам некои опции да се вратам дома" - заврши Балак.

Powered by: 24 FUDBAL.com.mk