Италија Јувентус и официјално го комплетираше трансферот на Симоне Пепе од Удинезе.

Синоќешните информации велеа дека Пепе ги поминал медицинските тестови, се договорил со Јуве, но трансферот ќе биде комплетиран по завршувањето на Светското првенство.

Сепак, денеска на официјалната страна на Јувентус, излезе соопштение дека Пепе и официјално потпишал за клубот, тој доаѓа на едногодишна позајмица за која Старата Дама на Удинезе ќе му исплати 2,6 милиони евра.

По истекот на позајмицата, Јувентус има опција целосно да го откупи договорот на Пепе за сума од 7,5 милиони евра која би ја исплаќале околу три години.

Пепе е првото засилување на Јувентус во летниот преоден рок.

Се очекува наскоро и Милош Красиќ да биде промовиран како нов фудбалер на Старата Дама.

Powered by: 24 FUDBAL.com.mk