Италија Капитенот на Рома, Франческо Тоти му посака добредојде на новото засилување, Адриано.

Поранешниот фудбалер на Интер, Адриано денеска и официјално ќе биде презентиран пред новинарите откако веќе го комплетираше трансферот во Рома.

Тоти верува дека Адри ќе се вклопи во тимот и ќе го покаже своите квалитети во дресот на Рома.

"Сигурен сум дека Адриано ќе го демонстрира својот квалитет во Рома" - изјави Тоти.

"Заедно можеме да направиме големи работи за Рома. Сакам да му посакам добредојде на Императорот".

"Судбината сакаше Адриано да игра во главниот град со црвено-жолтиот дрес".

"Секој од нас ќе даде се за тој да се чувствува како дома. Тој ќе добие пречек и топлина од фановите како што заслужува".

"Ќе му помогнеме на секој начин да се вклопи во групата".

"Покрај другото тој тука ќе најде и други Бразилци кои добро ги познава" - заврши Тоти.

Powered by: 24 FUDBAL.com.mk