СП 2010 На досегашните 18 светски фудбалски првенства се забележани дури 48 хет-трикa, што е уште еден факт кој потврудува дека Светски Првенства претставуваат фудбалска кулминација.

Првиот хет-трик го постигнал Aмериканецот Берт Пејтенауд на првото светско првенство во 1930, а последниот хет трик е дело на Pортугалецот Паулета, пред осум години во натпреварот против Полска.

Пејтенауд постигнал три гола во победата на САД против Парагвај со 3:0 во jуни 1930 година. Два дена подоцна во натпреварот помеѓу Аргентина и Мексико (6:3), хет-трик остварил и Aргентинецот Гиљермо Стабиле.

Најбрз хет-трик е тој на Унгарецот Ласло Киш, во 1982 година во дуелот против Салвадор постигнал три гола во само седум минути. Првиот гол бил во 70 минута, вториот во 74, а третиот во 77. Интересно е што Киш во игра влегол во 55 минута, со што тој е и единствениот играч кој почнал од клупа, а направил хет-трик.

Единствениот хет-трик пак на финале е дело на Англичанецот Џоф Харст, кој постигнал три гола на Вембли во 1966 година при победата од 4:2 на Англија против Германија. За неговиот втор, а трет за Англија, гол се уште има сомневања дали топката ја поминала гол линијата.

Габриел Батистута е засега единствениот играч кој забележал хет-трик на две последователни Светски Првенства. Тоа му успеало во 1994 година и во 1998. Интересно е што и двата натпревари се играни на 21 јуни - прво им дал три гола на Грците (4:0), а четири години подоцна и на репрезентацијата на Јамајка (5:0).

Со по два хет-трика на едно СП се и Унгарецот Шандор Кочиш против Северна Кореја и Германија во 1954 година, Французинот Жаст Фонтејн четири години подоцна против Парагвај и Германија и Герд Милер на Светското Првенство во 1970 година против Бугарија и Перу.

Powered by: 24 FUDBAL.com.mk