СП 2010 Репрезентацијата на Англија во своите редови ги има двајцата најниски играчи кои ќе настапат на СП, додека Србите го имаат највисокиот.

Арон Ленон со своите 165 сантиметри е најнискиот играч кој отпатува за Јужна Африка, а неговиот соиграч од редовите на Англија, Шон Рајт Филипс е вториот најнизок играч со само еден центиметар повеќе од Ленон.

Од друга старна, највисок играч во Африка ќе биде Србинот Никола Жигиќ кој е висок 202 сантиметри. Па навистина би било интересно доколку во некоја фаза од мундијалот овие две репрезентации се сретнат и се направи споредба помеѓу играчите.

Маркус Ханеман, пак, голман од редовите на САД е најтешкиот играч, на кого му фали само килограм од 100, па е навистина добро што не е играч за врска па да мора да трча.

Powered by: 24 FUDBAL.com.mk