МЕНИ

Македонија | Тешко е да се настапува на повеќе фронтови, Јаневски се реши да ги одмори вардаровите фудбалери...

Клупскиот сајт на македонскиот првак Вардар објави дека стратегот од клупата на црвено-црните, Чедомир Јаневски им даде малку одмор на фудбалерите.

Така, поради репрезентативната пауза, а воедно и тоа што претстојниот викенд ќе нема првенствени натпревари, вардаровите фудбалери добија два слободни дена.

Тренажниот процес за црвено-црните продолжува во среда, а вон комбинација ќе бидат оние со репрезентативни обврски, кои ги има во поголем број.

Велковски, Муслиу и Николов се повикани во сениорскиот состав на Македонија за контролката со Норвешка во сабота, Џигаури е повикан за Грузија, додека пак Барсегјан и Хамбарѕумјан за Ерменија.

За младата селекција на Македонија до 21 година повик добија Петковски и Исени, додека пак онаа помладата до 19 години повикани се Стојчевски, Тодоровски и Колевски.

Вардар беше во резултатска криза откако после цели пет меча во сите конкуренции успеа да обезбеди победа, и тоа против Скопје од 3-0 во 14. Рунда натпревари од Првата лига на Македонија. Со два натпревари помалку, црвено-црните заостануваат 11 бода зад лидерот во домашниот шампионат Шкендија.