Италија Галијани информираше дека Милан нема да го купат Луис Фабиано, ниту било кој друг напаѓач додека најпрво не замине некој од тие кои ги имаат во тимот.

Росоњерите се поврзуваат со Луис Фабиано, но Галијани инсистира дека нема место во сегашниот тим за напаѓачот на Севиља.

"Добро стоиме со напаѓачите, ги имаме Клас Јан Хунтелар, Марко Бориело и Пипо Инзаги" - вели Галијани.

"Доколку некој од нив не си замине, тогаш Луис Фабиано не може да дојде. Но доколку некој го напушти клубот, тогаш ќе дојде нов фудбалер на негово место".

"За секој фудбалер кој летово ќе замине, ќе дојде негова замена".

"Тоа веќе се случи со Дида и Фавали чии договори истекоа, на нивно место дојдоа Марко Сторари и Маио Јепес" - заврши Галијани.

Информациите велат дека Милан за Фабиано нуди 10 милиони евра, додека Севиља бара 18.

Powered by: 24 FUDBAL.com.mk