МЕНИ

Англија | По три меча без триумф, Вардар конечно дојде до победа откако со убедливи 3-0 го совлада Скопје, Шкендија со пресврт славеше над Работнички со 2-1...

Вардар им се врати на победата откако денеска ја оправда улогата на фаворит и го победи Скопје со 3-0.

Скопје одолеваше на нападите до пред крајот на првото полувреме кога Фелипе постигна гол за водство од 1-0.

Во 66. минута Максимов со својот првенец за Вардар зголеми на 2-0, а Џигаури пред крајот на мечот ги постави конечните 3-0.

Работнички со гол на Џофреи во 35. минута поведе против Шкендија во Тетово, но водството не траеше долго.

По една мешаница по слободен удар на Хасани, Радевски се снајде најдобро и со глава го изедначи резултатот во 40. минута.

Долго време беше нерешено, во 82. минута Ферхан Хасани погоди за комплетен пресврт и победа на Шкендија од 2-1.

Академија Пандев доживеа пораз на свој терен откако загуби од Победа со 1-0. Со ист резултат Силекс славеше на гостувањето кај Шкупи. Пелистер со 2-1 ја совлада Ренова.

Табела:

1. Шкендија 34

2. Вардар 23 (-2)

3. Силекс 22

4. Академија Пандев 21 (-1)

5. Ренова 17

6. Работнички 16 (-1)

7. Пелистер 15

8. Победа 15

9. Шкупи 15

10. Скопје 9

Во заграда е бројот на заостанати натпревари.