Англија | Челси дојде до минимална но голема победа против Манчестер јунајтед благодарение на прекрасен гол на Алваро Мората...



Челси со 1-0 го доби големото дерби во Премиерлигата против Манчестер јунајтед. Сините осми натпревар по ред не дозволуваат пораз на свој терен од „црвените ѓаволи“.

Жозе Мурињо уште еднаш беше немоќен на својот поранешен стадион. Челси беше подобар и заслужено дојде до трите бода.

Манчестер јунајтед добро го почна мечот, имаше почетна иницијатива, но Челси брзо ја презема контролата и почна да создава шанси.

Клучниот момент се случи во 55. минута кога по убава асистенција од Азпиликуета, Мората постигна гол со глава за победа на Челси од 1-0.

По оваа победа Челси дојде на само еден бод до Манчестер јунајтед кој остана на втората позиција со осум бода заостанување зад Манчестер Сити.

Во истиот термин Евертон со 3-2 го победи Ватфорд кој промаши пенал во судиското продолжение. Претходно Тотнем со 1-0 го совлада Кристал Палас.

Извор: 24FUDBAL.com.mk