СП 2010 Сеск Фабрегас синоќа им се врати на натпреварите по две месечната пауза поради повредата.

Фабрегас синоќа беше стартер во составот на Шпанија на пријателскиот натпревар против Јужна Кореја.

Капитенот на Арсенал беше еден од позабележителните во шпанската репрезентација, во првиот дел ја имаше и најголемата шанса откако ја погоди пречката од голот на Јужна Кореја.

Фабрегас е комплетно фит и подготвен за Светското првенство, тој вели дека се чуствувал добро на натпреварот, особено во првиот дел.

"Првото полувреме беше подобро отколку второто за мене" - изјави Фабрегас.

"Сето ова ми изгледа како подготовки пред нова сезона, но се чувствувам добро".

Шпанија го доби дуелот со Јужна Кореја со гол на Хесус Навас во 84та минута.

Во меѓувреме продолжуваат шпекулациите за иднината на Фабрегас.

Powered by: 24 FUDBAL.com.mk