Италија | Разочараност кај стратегот од клупата на тимот од Милано по очајните резултати и покрај големите средства вложени во засилувања изминатото лето...



Милан е во резултатска криза, а за тоа најголема вина се бара кај шефот на стручниот штаб на тимот, Винченцо Монтела кој во последниов период вели дека си го гледа сопствениот погреб.

„Веќе некое време го гледам сопствениот погреб, тоа ви дава нови погледи на работите... Знам дека клубот има доверба во мене, ќе видиме што ќе се случи“ вели Монтела.

Италијанскиот калчолигаш два пати во низа одигра реми без голови против грчки АЕК, па со тоа ќе почека за да го завери пласманот во следната рунда натпревари од Лига Европа.

„Знаеме дека фудбалерите можат многу повеќе од ова, тоа се млади, талентирани играчи со голема иднина пред себе“ додаде тој.

Ништо подобра не е ниту формата во Серија А, Милан со пет победи, едно реми и пет порази се наоѓа на осмото место на табелата по 11 одиграни кола, со дури 15 бода негатива во однос на лидерот Наполи.

Извор: 24FUDBAL.com.mk