МЕНИ

Лига на Шампиони | Кристијано Роналдо не беше најрасположен за интервјуа по поразот на Реал Мадрид од Тотенхем на Вембли...

Реал Мадрид синоќа одигра уште еден лош натпревар и загуби на гостувањето кај Тотенхем со 3-1. Единствениот гол за европскиот шампион беше дело на Кристијано Роналдо.

Тој со шест гола по четири кола е на врвот на листата на стрелци во ЛШ со еден повеќе од Кејн. Но генерално и тој и Реал Мадрид имаат лош старт на сезоната особено во Примера каде заостануваат со осум бода зад Барселона, а Роналдо има постигнато само еден гол во шпанската лига.

По вчерашниот натпревар новинарите го прашаа за неговата гол статистика оваа сезона. Тој одговори:

„Смирен сум. Во денешно време добрите перформанси не ви значат ништо вас, се што се брои се само голови, голови, голови“ - вели Роналдо.

„Мојата статистика? Нема да зборувам за неа. Одете на Гугл и напишете „Головите на Кристијано Роналдо“ и таму се тие. Сите“.

„Статистиката не ме интересира“.

Вината за неуспехот тој ја префрли и на неискуството во составот, призна дека недостасуваат Пепе, Мората и Хамес Родригез.

„Фудбалерите кои влегоа во игра имаат голем потенцијал. Но Пепе, Мората и Хамес Родригез не правеа посилни, сега тимот е помлад“.

„Исто така бевме без Карвахал и Бејл. Ова не е најлош состав, но ни фали искуство што е многу важно“.