Македонија | Првиот човек на Палермо, Маурицио Ѕампарини открива дека во последните денови од летниот трансфер период одбил богата понуда за услугите на Илија Несторовски од клуб од Серија А...
Македонецот изминатиов викенд уште еднаш покажа колку е важен за Палермо, популарниот „Нестогол“ со два погодока го предводеше својот тим до победа од 2-0 над Виртус Ентела и ги однесе „Сицилијанците“ на врвот на табелата во Серија Б.
Илија Несторовски има осум погодоци на девет средби, па Маурицио Ѕампарини сега се пофали дека во финишот од преодниот рок одбил 15 милиони евра за услугите на напаѓачот од клуб од Серија А.
„Не случајно одбив 15 милиони евра од италијански клуб во последните денови од преодниот рок” – вели газда Ѕампарини по победата над Виртус Ентела.
„Сакаме да се вратиме во Серија А, и знам колку важен за нас е Илија, како капитен и како личност”.
Извор: 24FUDBAL.com.mk
